Nastasia Zürcher

Recentemente ganhadora da categoría "Blues, Funk & Soul" nos Galician Music Awards 2016 (Premios Martín Códax da Música), esta jovem cantora e compositora suíço-galega nascida em Genebra no seio de umha família de músicos, cresce imersa em um universo cheio de melodias e ritmos multiculturais. Com só 6 anos, decide começar a sua formaçom musical através do violino. Mais tarde lança-se com um instrumento totalmente diferente e atreve-se com a bateria, mas nom foi até ela tomar as suas primeiras liçons de canto, com 11 anos, quando sentiu realmente este ser o seu caminho. Hoje leva mais de 10 anos a dedicar-se plenamente à música, e sempre a se acompanhar de outras disciplinas artísticas, nomeadamente a interpretaçom e a dança nos seus diferentes estilos.

Depois de mudar-se para a Galiza em 2000, continua a aprofundar nos seus estudos musicais e segue vários anos de estudos do Diploma Profesional de Voz en Jazz y Música Moderna na afamada escola compostelá ‘Estudio, escola de música’, onde aliás foi professora de Voz. Hoje continua a se dedicar à docência de forma independente, e é esta umha das muitas facetas da sua profissom que a apaixona. Na busca de ampliar os seus conhecimentos, parte para Madrid, a capital espanhola, com a vontade de se abrir a novas aventuras e encontros. Alá gradua-se em “Canto, Interpretación y Técnicas de Escenario” na Escuela Internacional de Artistas de Jesús Yanes (CEV, Madrid), onde recebeu aulas do mesmo Jesús Yanes, Miguel Pato, Sergio Espí, Victoria Dal Vera, Sara Represa..., alguns dos Mestres que participárom na sua formaçom e no seu crescimento artístico.

Ao longo da sua carreira, foi desenvolvendo a sua técnica vocal com, entre outros, Leo Giannetto, Ramón Bermejo, Jesús Yanes , Alexandra Morales y Hellen Rowson, com quem também se formou em Voice Craft. Siempre motivada e curiosa por conhecer os mundos e universos de outros Artistas, assiste a vários cursos, seminários e masterclass dados por Richard Bona, Dean Bowman, Scott Stroman, Celia Mur, Paul Farrington, Dani Reus, Victor Prieto...
Na sua trajectória profissional, puxo a sua voz em vários projectos musicais, nomeadamente, o cuarteto de músicas do mundo Rastrexos Project (com que subiu a alguns dos melhores palcos galegos, espanhóis e suíços durante 3 anos), o aclamado e único Coro da Rá, o inconfundível grupo de improvisaçom vocal, teatral e corporal Soundlooping (Madrid), bem como em The Rock Band Show, Odaiko Percussion Group, o Coro Compostela Cine Classics, Tributo a Rachelle Ferrell (corista), PLP, etc. Colaborou também no disco Magnético Zen de Xoán Curiel, galardoado como “Mejor Álbum en Lengua Gallega” nos V Premios de la Música Independiente 2013 (Espanha); no livro-CD infantil “En Cabárceno se oye cantar” de Susa Herrera e Carlos Calviño; bem como na parte musical do espectáculo 'À part ça, globalement, ça va plutôt bien' do showman suíço-tunesino Karim Slama. É de destacar a sua atuaçom junto a Rastrexos Project no Festival Internacional do Mundo Celta de Ortigueira tras ficar entre os quatro primeiros do concurso “Proxecto Runas 2012”.

Focada já na carreira em solitário, Nastasia estende as asas e a inícios de 2014 apresentou o seu primeiro vídeo musical, Voar, com o qual venceu duas categorias no I Certame de Cançom de Autor em Galego, “Melhor Artista e Melhor Cançom Original”. Voar forma parte de um trabalho composto integramente por temas próprios chamado “My Flight”, o seu esperado primeiro trabalho em solitario que se estrenou a finais de novembro 2015 perfilándose como “um dos debuts mais emocionantes do último tramo de ano do nosso país”, segundo a revista cultural espanhola NOTODO.COM.

O LP, composto entre Madrid e Galiça e gravado en Andaluçia nos estudios Alisrecords, conxuga estilos e sonoridades numha sanísima fusión de neo soul, pop vogal de autor, world music e nujazz, todos eles interpretados dende a persoalidade vogal que caracteriza a artista. Ecléctico, atrevido e sobre tudo moi auténtico, chega ao panorama musical actual coma un soplo de aire fresco, un sentir e transmitir differente que, basado na liberdade creativa absoluta, trata cuestións universais e reflexións sensoriais musicalizadas en pegadizos estribillos e intensas letras tomando o inglés como idioma protagonista, bem que nel mesmo tamén amosa a súa faceta máis francófona e galega.

Tudo um despliegue de talento e creatividade que com seguridade despertará e fará vibrar a máis de um Ser vivo!